शब्द शब्द वेचिले
शब्द शब्द वेचिले
पंखांनी आकाशात उडणारे
निळ्या सागरात तरंगणारे
मनगाभा~यात प्रितीत दरवळणारे
धुंद मधुर गीतात उसळणारे
तुला-मला बंधनात बांधणारे
शब्द शब्द वेचिले
मखमली पेटीत साठवले....
शब्द शब्द वेचिले
फांदी-फांदीवर घोशात लटकणारे
पाना-फुलांच्या संगतीत खेळणारे
वा~याच्या मनात घोंगावणारे
सावळ्या सावलीत मिटणारे
तुला-मला साद घालणार
शब्द शब्द वेचिले
अक्षर-मोतीमाळेत गुंफिले....
शब्द शब्द वेचिले
गुफेच्या काळोखात घुमणारे
पाण्याच्या डोहात वल्हवणारे
वणव्यासारखे रानात पसरणारे
धरतीच्या कुशीत बागडणारे
तुला-मला युगांयुगांसाठी जोडणारे
शब्द शब्द वेचिले
समयीच्या ज्योतीत उजळले....
शब्द शब्द वेचिले
घुंगरांच्या नादात छणछणारे
थेंबांनी टपटपत ओघळणारे
मैफिलीच्या स्वरांत भिडणारे
पहाटवा~याची शिरशिरी अनुभवणारे
तुला-मला अर्थ देणारे
शब्द शब्द वेचिले
शब्दांना जीवापाडच जपले....
-भक्त्ती
No comments:
Post a Comment