दिवा

पहिला दिवा **

मांगल्य दे
सुख-समाधान दे
मनाची काजळी दुर सारायला
एक तेजोमय पणती दे !

दुसरा दिवा **

यश दे
समृद्धी-सन्मान दे
किरणांची उधळण करायला
लख्ख लख्ख प्रकाश दे !

तिसरा दिवा **

आरोग्य दे
शांती-पावित्र्य दे
उजेडेची अर्चना घडायला
लक्ष लक्ष तेवणारे दीप दे !

चौथा दिवा **

विश्वास दे
सृजनता-सौख्य दे
जीवनात सप्तरंग भरायला
एक दिव्य आकाश कंदिल दे !

पाचवा दिवा **

आशा दे
सत्व-साम दे
आयुष्यात चांदण बरसायला
टिमटिम करत्या ज्योती दे !

सहावा दिवा **

आशीर्वाद दे
सौजन्य सदैव घडु दे
तिमीर चिरुन टाकायला
अखंड उजळत राहण्याच वरदान हे दे !


-भक्त्ती

चकवा

एकटक नजर
रात्रीचा प्रहर
काळा अंधार
चांदण्या हजार
चंद्र धवल
प्रकाश शीतल
कमळ कोमल
तळ्यात नवल
तुटला तारा
धुंद वारा
खुलला नजारा
हसला आसमंत सारा
मुग्ध गारवा
नक्षत्रांचा गोडवा
टिमटिमता काजवा
एक चकवा
नवा नवा
@भक्त्ती