पहिला दिवा **
मांगल्य दे
सुख-समाधान दे
मनाची काजळी दुर सारायला
एक तेजोमय पणती दे !
दुसरा दिवा **
यश दे
समृद्धी-सन्मान दे
किरणांची उधळण करायला
लख्ख लख्ख प्रकाश दे !
तिसरा दिवा **
आरोग्य दे
शांती-पावित्र्य दे
उजेडेची अर्चना घडायला
लक्ष लक्ष तेवणारे दीप दे !
चौथा दिवा **
विश्वास दे
सृजनता-सौख्य दे
जीवनात सप्तरंग भरायला
एक दिव्य आकाश कंदिल दे !
पाचवा दिवा **
आशा दे
सत्व-साम दे
आयुष्यात चांदण बरसायला
टिमटिम करत्या ज्योती दे !
सहावा दिवा **
आशीर्वाद दे
सौजन्य सदैव घडु दे
तिमीर चिरुन टाकायला
अखंड उजळत राहण्याच वरदान हे दे !
-भक्त्ती
No comments:
Post a Comment