मृत्यु

येतोस तु ये
रात्रीच्या काळोखाला
दिसाचा उजेडाला
कशा कशाचे
बंधन नाही तुला
येतोस तु ये

येतोस तु ये
आसुसले मी तुझ्या मिठीला
नजर दे ना माझ्या नजरेला
कोणा कोणाचे
देणे नाही तुला
येतोस तु ये

येतोस तु ये
वाटेत तु येशीलच भेटायला
पण गोंजारशील की ओढणार मला
ह्याची-त्याची
पर्वा नाही तुला
येतोस तु ये

येतोस तु ये
राहु नकोस रेंगाळलेला
सलाम तेवढा करु दे या जीवनाला
इकडे-तिकडे
पाहण्याची गरज नाही तुला
येतोस तु ये

हं हं हं
येतोस तु ये
मला मुक्त करायला ये............
भक्त्ती.